(6-8-13): جہاں کسی نیک عمل کے نتیجے میں آپ کو زمین و آسمان کے درمیان کوئی رشتہ، رابطہ قائم ہوتا نظر آئے، سمجھ لیں۔ زمین کے اس حصے یا ٹکڑے پر کوئی ایسا عمل ضرور ہورہا ہے جو رب کو بہت پسند ہے۔ آپ میں سے وہ لوگ جنہیں عموماً بیت اللہ کا دیدار نصیب ہوتا ہے، رات کو یہ منظر اس وقت نظر آتا ہے جب آپ مغرب یا عشاء پڑھ کر بیت اللہ میں بیٹھتے ہیں۔ ابابیل آتے ہیں اور تیزی سے بیت اللہ کے اردگرد سے گزر جاتے ہیں۔ لیکن وہ تو بیت اللہ ہے مگر ذکر رسولA خصوصاً تسلسل سے جہاں درود پاک پڑھا جارہا ہو۔ وہاں آپ کو یہ منظر ضرور دیکھنے کو ملے گا۔ کل رات تقریبا11 بجے میں اپنی ٹیم کے ارکان اور اپنے بڑے صاحبزادہ بیرسٹر عمار خوشنود کے ساتھ بغداد ٹاؤن پہنچا جہاں سجائے جانے والے شہر اعتکاف میں 30 ہزار لوگ موجود تھے۔ جب میں شہر اعتکاف میں داخل ہوا تو ذکر رسولA جاری تھا۔ یعنی فضا درود پاک سے معطر تھی اور لگتا تھا کہ ہر طرف رحمتوں کا نزول ہے۔ تعداد کے اعتبار سے پوری دنیا میں بیت اللہ کے بعد اس شہر اعتکاف میں سب سے زیادہ لوگ شرکت کرتے ہیں۔ مجھے تو لگتا ہے کہ اصولاً تین چار ماہ تو اتنے بڑے اجتماع کے لئے چاہئے ہوتے ہیں کہ اس کی تیاری کی جائے۔ بہر حال میں نے جو وہاں دیکھا وہ حیران کن ہے۔ انتظامات، ماحول ہر حوالے سے لاجواب۔ مجھے بھی 40 ہزار کے اس اجتماع سے خطاب کا موقع ملا۔ چاہوں تو اس اجتماع پر کئی دن لکھتا رہوں۔ گزارش صرف اتنی ہے کہ ابھی دو تین دن کا اعتکاف باقی ہے۔ شہر اعتکاف جاکر دیکھئے تو سہی!
Khushnud Ali Khan – Daily Jinnah
![](http://leader.pk/wp-content/uploads/2014/02/Khushnood2.jpg)